മടങ്ങാനെനിക്കിന്നു നേരമായ്
തുടക്കം തിരയാനെനിക്കിന്നു കാലമായ്
ഓർമ്മതൻ പൊരുളിന്റെ ചുരുളഴിച്ചീടുവാൻ
എത്രകാതം നടക്കും,
ഞാൻ എത്ര കാതം നടക്കും
വരണ്ട വാർദ്ധക്യ ശകലങ്ങലപ്പോഴും
ഓർമ്മച്ചെപ്പ് തുറക്കുവാൻ തുടിക്കുന്നു
നരമൂടിയ ഇങ്ങേത്തലക്കും കാലിനു-
മിപ്പുറം ബലക്ഷയത്തണ്ടായ് ശയിക്കുന്നു
വാനപ്രസ്ഥച്ചിതലുകൾ തീർത്ത മണ്കൂനയില-
ടിഞ്ഞിരുന്നൂ വാല്മീകി പ്രകൃതം
സ്മിതപൂരിതം പിന്നെയോർത്താലതു
ക്ലേശം ചുമന്നു തീർത്ത വികൃതം
യൗവ്വനത്തുരത്തുകൾ ചുഴിയാൽ ചുറ്റി -
ക്കറങ്ങി, നീർബിന്ദുവിലൊടുങ്ങവെ
ഹൃദയം ശോണിതം,പ്രണയക്കറയിൽ
അർദ്ധനഗ്നാംഗന നടനമാടിയനാൾ
ബാല്യകൗമാരം കോമരംതുള്ളി പടവാ-
ളെടുത്തു ഛിഹ്നം വിളിച്ചു
ആത്മസംഘർഷച്ചെരുവുകൾ മതിലുകൾ-
ക്കപ്പുറം വച്ചുറങ്ങിയ ബാല്യം
ഇതിനെല്ലാമപ്പുറമാവാം തുടക്കവു-
മൊടുക്കവുമായ ഉദ്ബിന്ദുവിൻ കരം
അവിടെക്കാണെൻ യാത്ര, റാന്തൽ
വിളക്കിൻ തിരിയണഞ്ഞ നിമിഷത്തിലേക്ക്
അഴികള് കാവലായ്നിന്നു മുന്നില്
.jpg)
