മഴയുടെ ലാളനമോടേ..

ഇന്നിനിയോർമ്മകൾ ഓമനിക്കും 
മഴയുടെ ലാളനമോടേ..
ഇന്നിനിയോർമ്മകൾ ഓമനിക്കും 
മഴയുടെ  ലാളനമോടേ..
ഇടവഴി  പറയും കഥകളിലൂടെ 
നീയെന്റെ ചാരത്തണഞ്ഞൂ..
പിന്നിലെ മൌനമായ് പാടി..

പുലർമഞ്ഞു വീഴുന്ന പടിവാതിലിൽ 
പൂത്ത, പ്രണയവസന്തം നീ..
അലയുന്ന കാറ്റിന്റെ ഉടയാടയായ് വന്നു-
എന്നെ പൊതിഞ്ഞങ്ങു നീ..
പിന്നെ, എന്തോ പറഞ്ഞങ്ങു പോയ്..

മൂകമായ് മൂളുന്ന മനസിന്റെ പാട്ടിൽ 
നിറയുന്ന രാഗമായ് നീ..
കണ്ണിലെ കനവുകൾ കാവലായ് നിൽക്കെ 
ദൂരേക്കു പോകയായ് നീ..
പിന്നെ, നിനവിന്റെ ബാഷ്പമായ് ഞാൻ..

ചിത്രം : ഗൂഗിള്‍

[ഗാനശാഖ ]