പച്ചവിരിച്ചൊരു കുന്നിൻ ചരുവിലെ ചുവപ്പുകലർന്നൊരു വാനം കണ്ടേൻ
എന്തൊരു ചേലാണേ !
പൊങ്ങിപ്പറന്നുപോം പക്ഷികളെല്ലാം
ചേക്കേറും കൂടിതാണേ !
മെല്ലെയൊളിച്ചൊരു പകലിന്റെ പവിഴത്തെ
ചുംബിച്ച മേടാണേ !
ചുറ്റുമുളങ്കാട്‌ വേലിക്കകത്തൊരു വീട്ടിൽ
തെളിയുന്ന ദീപമുണ്ടേ !
ആർദ്രമായ്‌ നില്ക്കുന്ന പുല്ച്ചെത്തട്ടിലെ
വാസികളേവരുമുണ്ടേ !
അരുവിത്തടത്തിലെ ആശാനു കീഴിൽ
പരലുകൾ പാഞ്ഞിടുന്നേ !
രാത്രിയിലങ്ങനെ കുന്നിൻ മുകളിൽ
താരവസന്തം പൂത്തിടുന്നേ !
