ചുവരിന്നു മനോഹാരിതയേകാന്‍
തൂങ്ങിനില്‍ക്കും ചുവന്ന-
റോസാപുഷ്പം നിറഞ്ഞ ചിത്രം
ചിന്തയിലാണ്ടു വിടരാന്‍ മറന്നു-
പോയൊരീ പൂവിന്‍ ദളങ്ങളില്‍
അറിയാതെ പതിഞ്ഞുനിന്നൊരീ മഞ്ഞുതുള്ളി-
യേതോ രഹസ്യം മൊഴിയും പോലെ.
നീലനിറം വിതാനിച്ചൊരീ
ആകാശപ്പരപ്പിലേകയായ് നിന്നൊരീ
കന്യകയാം സുന്ദരിപ്പൂവിന്‍
ഇതള്‍ സ്പര്‍ശമേല്‍ക്കാന്‍ കൊതിച്ചു-
ശലഭങ്ങളോരോന്നു പറന്നടുക്കവെ
പടര്‍ന്നൊരീ വള്ളിപ്പടര്‍പ്പിന്‍ മുള്ളുകള്‍
തറക്കാതെ മൂടി നില്‍ക്കുന്നൊരീയിലകളും
മാതൃത്വമെന്തെന്നറിഞ്ഞൊരീ ഇളംതണ്ടിന്നഗ്രത്തായ്
തെന്നലേറ്റു അസ്വാദനം പൂണ്ടുനില്‍പ്പൂ
ഇന്നെന്റെ കല്പനയില്‍ ജീവന്‍ തുടിച്ചൊരീ-
ചിത്രമെന്നും കണ്ണിലൊപ്പിയെ-
ഞാന്‍ പടിയിറങ്ങൂ-കാരണം,
ഈ കാഴ്ച്ചയെനിക്കന്യമാണീ മഹാനഗരത്തില്‍
No comments:
Post a Comment